Ózbekstan Respublikası Ilimler Akademiyası Qaraqalpaqstan bólimi «Xabarshı» jurnalı haqqında ISSN-2091-508X Reestr № 10-3560

ISSN-2091-508X Реестр № 10-3560

Jurnal Ózbekstan Respublikası Ilimler Akademiyası Qaraqalpaqstan filialınıń ilimiy basılımı retinde 1960 jılı tastıyıqlanǵan hám Qaraqalpaqstan Respublikasında, sonday-aq onıń menen izertlewler ulıwmalıǵı arqalı baylanıslı bolǵan basqa aymaqlardaǵı ilimiy izlenisler alıp barılıp atırǵan mashqalalardıń keń shenberin jarıtıwǵa mólsherlengen.

Ózbekstan ǵárezsizlikke iye bolǵannan soń hám jańa ekonomikalıq shárayatlarǵa ótiwi menen jurnal jılına 4 márte úlkeygen kólemde shıǵa basladı (sherekte 1 márte). Iri maqalalar, monografiyalar hám basqa miynetler redakciya jámááti qararı menen jurnal qosımshası retinde basıp shıǵarıladı.

Basılım shıǵınınıń kópligi sebepli ilimiy kitapxanalar, olardıń almasıw xorı, avtorlıq aktivi, redakciya hám redkollegiya mútájlikleri, sonday-aq shártnama tiykarında ishte realizaciyalaw ushın zárúrlikten kelip shıǵıp, jurnaldıń minimal tirajı 100 dana dep belgilengen.

Jurnal hám onıń qosımshaları redakciyada tayarlanadı hám baspanıń ózindegi kompyuter tipografiyasında basıp shıǵarıladı.

XXI ásirde qáliplesken shárayatlarda ilimiy izertlewler baǵdarlarınıń kópshiligi (ásirese tábiyiy) ilimiy ortalıqta ulıwma tán alınǵan latınsha atamalar, matematikalıq, fizika-ximiyalıq hám basqa da standartlardı qollana otırıp rus tilinde alıp barılǵanın esapqa alıp, rus tili xalıq aralıq ilimiy paydalanıw tili, jáhán ilimi menen hárekettegi is baylanısı retinde óz áhmiyetin joǵaltpadı. Sonıń menen birge, jurnal milliy tillerde de – qaraqalpaq hám ózbek tilinde maqalalar járiyalamaqta. Ayırım maqalalar anglichan tilinde basılıp shıǵadı. Bunda rezyume úsh tilde: ózbekshe, russha hám anglichansha beriledi. Jurnalda sonday-aq, tekstlerge tiyisli súwretler, fotosúwretler, diagrammalar, kesteler basıladı.

Dúzilgenli beri (1960 j.) jurnal ekinshi kategoriyaǵa jatatuǵın edi. Kólemi úlkeygennen keyin kópsalalı hám kóptilli basılım retinde birinshi kategoriyaǵa ótti.

Redakciya janında Bas redaktor hám onıń orınbasarı basshılıǵındaǵı redakciya jámááti háreket etpekte.

Redakciya jámááti jurnaldıń rawajlanıw perspektivaların belgileydi, maketlerdi bekitedi. Redakciya jámááti aǵzaları óz ilmiy tarawı boyınsha materiallardı baspaǵa tayarlawda belsene qatnasadı.

Jurnal redakciyası Ózbekstan Respublikası Ilimler Akademiyası Qaraqalpaqstan bólimi imaratında tómendegi mánzilde jaylasqan:Nókis q., Berdaq gúzarı/prospekti, 41

web-saytkhabarshi-kk.uz

Redakciya telefonı: 222-98-94